لقاء الخميسي تتضامن مع حارس فريق الاتحاد المصري: الرياضة مش تعنيف
تضامنت الممثلة لقاء الخميسي، مع حارس مرمى فريق الاتحاد السكندرى أحمد يحيى، عبر موقع التواصل الاجتماعى “فيس بوك”، وذلك بعد الهجوم الذى تعرض له من الجمهور خلال أحداث مباراة الاتحاد السكندري وسيراميكا كليوباترا، أمس الخميس.
وقالت لقاء الخميسي: “الحقيقة إن الواحد ساكت بقاله سنين بس، اللى حصل انهارده لا يسكت عليه، الأخلاق راحت فين؟ الإنسانية راحت فين؟ إيه بجد اللي حصل للناس، مشهد بائس ومخيف ولا يمت للإنسانية بصلة”.
مشيرة إلى أن الرياضة للمتعة لا التعنيف والسب والقذف، خاصة أن اللاعب في ظروف نفسية سيئة إثر وفاة أخيه قبل يوم من المباراة.
وأضافت لقاء قائلة “إيه بقى امتى هاتفهم ان لاعب الكرة بني آدم بيؤدي شغله وبيحس وبيحلم وعنده أهل بيزعلوا أما بيتهان وهما يتهانوا معاه، وعنده أم بتزعل وزوجة بتتجرح على جرحه، كفاية بقى كفاية تكرهوا الناس في عيشتهم وشغلهم اللي بيبذلوا فيه مجهود وبيحبوه”.
