#محمد_هنيدي عن فكرة تقديمه أعمال تراجيدي: دي جريمة

وصف الفنان #محمد_هنيدي فكرة تقديمه اعمل تراجيدي بعيدا عن الكوميديا،  بـ”الجريمة” إذا فعل هذا.

وقال محمد هنيدي خلال لقائه في برنامج “مع نزار الفارس”: “دي جريمة لو عملتها، ربنا سبحانه وتعالى بيرزقك نعمة إن ممكن أن تسعد الناس في وقت صعب أوعى تتخلى عن ده، أجي في الأيام الصعبة ومضحكش وأقدم موضوع بجد، خطر في غيري يعمل كده”.

وأكمل هنيدي: “الكوميديان هو ممثل يعمل تراجيدي وكوميدي مختلفناش، لكن أنا أعمل فيلم ملوش علاقة بالكوميديا لما الشوارع كلها تبقى بتضحك لكن مقدرش أنزل والناس تبقى محتاجة ضحك وأنا مقدمش ضحك لأن العقد اللي بينا وبينهم في الأول هو الضحك”.

وأوضح محمد هنيدي أنه يحب النجم الراحل نجيب الريحاني كثيرا وأنه كان مثله الأعلى قائلا: “اللي بيضحكني أستاذ نجيب الريحاني الـ5 أفلام بتوعه أنا حافظ حوارهم، بعده كل النجوم.. وأكتر فيلم بحب أشوفه محمد سعد “اللي بالي بالك”.