#شيرين_عبدالوهاب عن جدل لقب “صوت مصر”: أنا لقبي هو اسمي

ردت الفنانة #شيرين_عبدالوهاب على الجدل المثار منذ فترة حول لقب “صوت مصر” ومن المطربة التي تستحق هذا اللقب.

وقالت شيرين في لايف ظهرت فيه عبر حسابها على “تيك توك”: “بالنسبة للألقاب أنا مش بحب الألقاب خالص على فكرة، أكيد كلنا نحب أن اسمنا يبقى جنب اسم بلدنا لكن أنا لقبي هو اسمي”.

وتابعت: “متشغلوش أبدا دماغكم بموضوع الدرجات ومين أول ومين تاني، مش بيشغل دماغي خالص، أنا بحبكم قد الدنيا وشغلي وفني هو اللي بيشغلني أكتر من الحاجات دي بكتير، المحتوى اللي بقدمه ليكم”.

وظهرت شيرين عبد الوهاب في اللايف لتتحدث مع جمهورها بعد طرح آخر أغاني ألبومها، ووعدتهم بإقامة حفلات جديدة تغني فيها معهم أغاني الألبوم.