في رحلة العمر نعبر من محطات
ماندرك أبعادها….. لأمن عبرنا
واليا مضى وقتنا ..ننظر لما فات
نذكر سنين مضت ..ياكم صبرنا
الوقت في عمرنا ..يشتد نوبات
حتى عصي الدمع…. غطى نظرنا
فالصدر من علته …ونه وزفرات
ولاتلتفت عيننا ……..للي حضرنا
والفكر في غيبته…مبعد مسافات
يعيش في وقتهم …….لين يعبرنا
يعيد في ذكرهم ….مرات مرات
والموت من دونهم.. حكمه جبرنا
يلي مشى دربهم …وصل سلامات
خبر عن أحوالنا….. …وكيف صرنا
ماتحمل قلوبنا…….. إلا العداوات
الحقد باطباعنا……….لو ماكفرنا
يالله تغفر لنا ……مقبل وما فات
إللي جهلنا منه …….وإللي خبرنا
المرء لابد له ……….بالعمر زلات.
والله يغفر….. ……لنا لا من شكرنا
هيهات ننسى قديم الوقت هيهات
الين مالحظةٍ ……… تطفي بصرنا
بقلم الشاعرة/ زهور البلوي
